Вие сте вистински среќници ако во животот имате личност во овој хороскопски знак

Со овој хороскопски знак владее Сонцето, средиштето на Универзумот и во склад со тоа, Лавицата обожава да биде во центарот на вниманието и тоа секогаш и оди од рака. Кога е лута, најлесно ќе ја смират комплименти и подароци. Има силен дух и сака да победува, а благодарејќи на својата интелигенција, досетливост и креативност – нејзиниот живот е исполнет со многу победи.

Независна и со изразена индивидуалност, Лавицата бара партнер кој и самиот ги има овие карактеристики. Не и треба некој кој ќе се грижи за неа, туку маж кој е доволно сигурен во себе за да и дозволи таа да блесне со сиот свој сјај. Во врската сака секогаш да има многу забава и динамика – не поднесува рутина и постојано смислува начини како да промени нешто и да ги направи работите малку подраматични.

Во љубовта најдобро се сложува со Близнаци, Стрелец, Ваги и Овен.

За Лавовите се зборува и пишува многу. И сите најчесто се фокусираат на фактот дека лавовите имаат силно его или дека сакаат да бидат центар на внимание, па затоа и луѓето со скептицизам реагираат кога ќе чујат дека некој е лав.

Но, има и една друга страна кај Лавовите, страна која прави да бидете среќни и благодарни што ги имате во животот. Денес се осврнуваме на позитивните и убавите страни кај Лавот, заради кои тие се толку посакувано друштво.

Тие се исклучително лојални

Ако Лавот ве почитува на каков било начин, без разлика дали е тоа како пријател, роднина, животен сопатник, познаник, колега, тогаш ќе знаете.

Со сигурност. Тие нема да глумат дека ве почитуваат, но ако навистина мислат дека сте личност која вреди дабиде во нивниот живот, тогаш ќе бидат лојални до крај.

Ако имате Лав во животот, сигурно знаете дека секогаш можете да се потпрете на нив и дека никогаш нема да ве изневерат или да ви забијат нож во грб. Тие ќе стојат покрај вас дури и кога другите ќе ве напуштат.

На што треба да внимавате, што бараат за возврат лавовите? Зошто би Ве оставиле?

Тие се амбициозни

Лавовите го сакаат животот и се многу страствени. И кога ќе започнат нешто, сакаат да бидат најдобри во тоа што го прават.

Покрај тоа што се страствени, имаат и големо его, па затоа оваа комбинација на страст и его прави да биде речиси невозможно да се откажат од тоа што го започнале или не дај Боже да си дозволат да бидат подпросечни.

Секогаш, ама секогаш го даваат најдоброто од себе, но за возврат го бараат најдоброто и од другите и никогашне се задоволуваат со медиокритет.

И затоа речиси секогаш го добиваат тоа што го сакаат.

Тие се забавни

Со нив никогаш не е здодевно. Тие ја мразат монотонијата и рутината, па затоа и постојано изнаоѓаат начини како да си го направат животот интересен.

Тие се гушат кога постојано го прават истото и тоа на истиот начин, па со нив и чистењето по дома, па и одењето на кафе е интересен настан кој не сакате да го пропуштите.

Дали се ЛАВОВИТЕ искрени или лажат?

Тие се брутално искрени!

Луѓето секогаш велат дека ја сакаат вистината, а се лутат кога ќе им ја кажете.

Лавовите не се грижат многу за тоа, бидејќи за нив единствен начин да се чекори низ животот е преку искреност.

Нивната искреност за вашата ужасна фризура или катастрофална модна комбинација можеби ќе ве навреди, но на крајот од денот секогаш ќе бидете благодарни што имате личност којашто ве почитува со тоа што ви јакажува вистината.

Точно е дека понекогаш кажуваат работи и без да ги промислат, но никогаш не се злонамерни. И затоа нивната искреност е освежувачка. Иако можеби ќе ви треба време да се навикнете.

Тие секогаш го гледаат животот од неговата посветла страна.

Никој не може да ви го разведри животот како Лавовите, особено кога проаѓате низ лош период.

Тие едноставно зрачат со позитивна енергија, цврстина, љубов и оптимизам. Главното мото во нивниот живот е: „Животот нема реприза“, па така и го живеат животот.

Нивните енергија и оптимизам се толку заразни што невозможно е да не ве извлече од тажното расположение. Да, понекогаш се малку себични, но тие секогаш ќе ви подадат рака кога сте на земја.

Благодарејќи на својата топла личност, магичната енергија, ентузијзамот и полетноста, жената Лав ги привлекува луѓето околу себе, а нејзините пријателите неретко и се воодушевуваат. Великодушната Лавица сака да ги разгалува своите пријатели. Никогаш нема да изневери пријател и секогаш ќе биде покрај своите блиски и ќе им прости се освен предавство.

Густата и нескротлива коса како гривата на лавот, изразени црти на лицето, големи и топли очи, широко чело, напрчено носе и мали уши се физичките карактеристики по кои е препознатлива Лавицата. Највеќе се гордее со својата густа коса која најчесто е или руса или црвена.

Жената родена во овој хороскопски знак најчесто е висока и има долги нозе и елегантно држење. Секогаш делува уредно, горделиво и урамнотежено. Својот изглед сака да го украсува со накит и други модни додатоци, а ја сака и жолтата и портокаловата боја.

Сака да се истакнува во жолта и портокалова боја, но бојата која ќе ја катапултира во центарот на вниманието е златната боја, епитом на се што Лавицата сака и претставува: топлина, луксуз, театралност, посебност, воодушевување. Секогаш сака работите кои ги носи да се со најдобар квалитет, а кај нејзе не постои моден конформизам – таа сака да носи работи кои ги немаат другите.

Реткост е да ја видите сама во шопинг. Таа секогаш оди со пријателките кои не и се толку потребни за совет колку што сака да и даваат комплименти. Во кабината за пробување задоволно ќе се гледа во огледалото од сите страни, а пофалби за нејзиниот изглед и избор ќе доаѓаат од сите страни.