Важно известување за пензионерите од Општина Бутел

Општина Бутел продолжува со својата заложба за подобрување на животниот стандард на своите повозрасни жители, воведувајќи за прв пат еднократна финансиска поддршка за најранливите категории пензионери.

Градоначалникот на Општина Бутел Дарко Костовски истакнува дека висината на еднократната финансиска поддршка ќе изнесува 2.000,00 денари и ќе биде по принципот „прв дојден – прв услужен“, се до исцрпување на средствата предвидени за таа намена.

Тој на својата фејсбук страница ги извести пензионерите дека јавниот повик за доделување на финанскиска поддршка е продолжен до 13 јули и границата за финансиска поддршка од 18.192 денари е покачен на 21.909 денари.

Почитувани пензионери ве известуваме дека јавниот повик за финансиска поддршка е продолжен до 13.07.2025.

Право на финансиска поддршка ќе остварат:

Граѓани кои имаат постојано живеалиште на територија на Општина Бутел

Приматели на старосна, семејна или инвалидска пензија чијшто износ не е повисок од 2️⃣1️⃣.9️⃣0️⃣9️⃣ денари.

Јавниот повик е отворен од 19.06.2025 до 13.07.2025 година.

Потребната документација може да се достави секој работен ден во просториите на Општина Бутел, од 09:00 до 15:00 часот.

Исплатата ќе биде на принцип “прв дојден – прв услужен”.

Продолжуваме со грижата за нашите најстари граѓани!