ВАКА СУПЕРМАРКЕТИТЕ ГИ МАМАТ МУШТЕРИИТЕ Внимавајте, на овие трикови касиерките ви земаат многу пари, а не сте ни свесни!
Колку пати сте се вратиле дома од продавница и сте сфатиле дека ви наплатилe неколку стотици дeнари повеќе отколку што треба?
Иако грешките понекогаш може да бидат случајни, тие често се намерни трикови на продавачите. Научете како да се заштитите и да ги забележите најчестите грешки кои можат скапо да ве чинат.
1. Двојно скенирани продукти
Една од најчестите грешки е двојното скенирање на производите. Ова најчесто се случува кога клиентот има неколку исти артикли, а касиерот пропушта да погледне во преполната корпа. Според искуствата на касиерите, тоа се случува барем еднаш во смена.
2. Замена за овошје и зеленчук
Си купил златно киви и ти го наплатиле обичното? Замената на овошје и зеленчук е вообичаена практика во супермаркетите, што може да резултира со плаќање поскапи производи. Најчесто се мешаат домати, кромид, грозје, бобинки, цитрони, особено на големите маркети.
3. Отворени пакети
Ако земете само две шишиња од пакувањето со сок, а касиерот го скенира бар-кодот на пакувањето со фолија, може да завршите со наплата за сите шест шишиња, иако сте купиле само две. Оваа грешка може да ви ја зголеми сметката за неколку стотици денари.
4. Неправилно скенирано месо и млечни производи
Помалите производители и месарници често ги снабдуваат производите со свои бар-кодови. Ако супермаркетот го залепи својот бар-код на производите, може да има грешка при скенирањето, што значи дека ќе платите за погрешен, често поскап, производ.
5. Една цена на рафт, друга на каса
Една цена на рафт, а друга на каса. Вака маркетите продолжуваат да ги збунуваат потрошувачите. Посебна конфузија предизвикуваат промотивните цени, кои не се „изедначуваат“ на време, па клиентот често мора да плати двојно повеќе од планираното. А бидејќи нема стандардно означување на ценовниците, ниту големина на бројки и букви, злоупотребите во продавниците се – секојдневни. Затоа, на клиентите им се советува да отворат само четири очи.
Проверете ја вашата сметка на време! За да избегнете грешки и недоразбирања, секогаш проверувајте ја сметката веднаш по плаќањето. Оваа навика важи и за дигиталните сметки што ги добивате преку апликациите. Откако ќе ја напуштите продавницата, рекламацијата станува многу покомплицирана.
Да се биде внимателен при плаќањето може да ви заштеди пари и да ви помогне да избегнете непотребни трошоци.
