По Хрватска и Црна Гора, повик за бојкот на продавниците има и во Македонија.
Драстично високите цени предизвикаа незадоволство кај граѓаните, па по примерот од регионот се појави повик за бојкот и кај нас.
Организаторите повикуваат граѓаните во петок да се воздржат од купување и користење услуги на маркетите, со цел да испратат јасна порака до одговорните за оваа економска состојба.
фото пекселс
Бојкотот на продавниците кој граѓаните го најавуваат за утре, очигледно не ги остави трговците рамнодушни. Сите големи маркети денеска нудат акции со големи попусти.
Веро пред малку преку Вибер пораки до своите корисници испрати леток со производи кои ќе поевтинат и за 50%.
На ваква акција утрово се решил и маркетот Тинекс
„Тинекс ги разбира потребите на македонските купувачи и ја започнува кампањата „Твој избор, твоја заштеда“, во рамки на која веќе од 31 jануари и во текот на февруари ќе понуди намалување на голем број производи, кои се неопходни за потребите на едно семејство. Станува збор за производи, кои се клучни за функционирањето на домаќинствата и веруваме дека ќе придонесат во заштеди на семејниот буџет.“ – се вели во соопштението од компаниајта.
Граѓаните организирани преку социјалните мрежи за утре најавуваат бојкот на сите продавници како знак на револт поради превисоките цени.
Според, бројките од бизнис мрежа, седумте најголеми маркети во 2023 оствариле приход од над 930 милиони евра, од кои чист профит биле 35 милион евра. Заработките се движат од над 1 милион до над 10 милиони евра. Нето профитните маржи пак надминуваат 10 отсто.
фото пекселс
Утре бојкот на маркетите е најавен за во Србија, Црна Гора, БИХ, Словенија, а повторно е организиран и во Хрватска.
