УХМР најавува пресврт од утре – дожд, грмежи и засилен ветер

Времето денес, сончево и многу топло, попладне со мала до умерена локална облачност. Ќе дува слаб до умерен ветер од променлив правец.

Максималната температура ќе биде во интервал од 31 до 39 степени.

Утре, во попладневните часови ќе има локален развој на нестабилна облачност со пороен дожд, грмежи и засилен ветер. Наместа процесите ќе бидат поинтензивни.

Потоа во следните два дена ќе преовладува сончево и многу топло време со мала до умерена локална облачност.

Поради брз продор на посвежа воздушна маса од север, в петок времето ќе биде променливо облачно, малку посвежо и ветровито со услови за локален дожд.

Во деновите од викендот ќе биде стабилно со пораст на дневната температура.