Тажна вест: Ненадејно почина познатиот македонски професор
На 63-годишна возраст, ненадејно почина професорот д-р Сашо Кожухаров, Декан на Економски факултет и Проректор за наука и развој на Универзитетот Скопје.
Тој почина 11 дена пред неговиот 64-ти роденден.
Професорите на универзитетот се простија од својот колега.
„Те чекавме на утринското кафе пред да почнеме со часовите и денот, а наместо тебе, ни пристигна жалната вест за твоето неочекувано заминување! Нѐ остави со голема празнина таму каде што беше ти, во нашите срца, во училниците на Универзитетот! Ќе го паметиме вчерашниот ден, 16 декември, во спомен на сите прекрасни денови и предизвици што ги поминавме заедно!Нека ти е светол патот во вечноста!“, стои во објавата на професорите на универзитетот.
Д-р Кожухаров беше познат економист, доктор на финансиски, сметководствен и трошочен менаџмент, професор од областите на микро и мезоекономските дисцилини, работеше и на менаџирање на факултетските активности, научно-истражувачка работа, организација на научни конференции, автор на повеќе стручни дела.
