Легендарниот хрватски пејач Борис Ќиро Гашпарац почина на 80-годишна возраст во Загреб.
Гашпарац бил познат изведувач на тамбурашка музика, а починал во загрепската болница Ребро по мозочен удар.
– Тато живееше до последен момент, без никаков знак дека нешто не е во ред. Живееше максимално работејќи го она што најмногу го сака, а тоа е музиката. Иако имаше 80 години, тој сè уште пееше, свиреше на гитара и снимаше музички спотови. Тој беше уметник во вистинска смисла на зборот.
Многу ќе ни недостига. Погребот ќе се изврши во крематориумот „Мирогој“ во вторник, на 28 јануари во 13 часот и 20 минути – изјавија од семејството за „Загреб.инфо“.
Ќе остане запаметен по бројните хитови на тамбурашката музика, меѓу кои се издвојуваат “Da sam imo šaku dukata”, “Idem, idem ej živote”, “U srce te dira”, “Leina”, “Imao bi da sam šparo”, “Ako vidiš majku moju” и многу други.
