СВЕТОТ ТАГУВА – Почина легендарната пејачка
Кони Френсис, позната поп и кантри пејачка, почина во својата 87-ма година, објавија светските медиуми.
Нејзината смрт ја потврди нејзиниот долгогодишен пријател Рон Робертс во четвртокот, само неколку недели по нејзиното хоспитализирање во Флорида.
„Со голема тага и тешко срце ви ја пренесувам веста за смртта на мојата драга пријателка Кони Френсис синоќа. Знам дека таа би сакала нејзините обожаватели да бидат меѓу првите што ќе ја чујат оваа тажна вест. Повеќе детали ќе следат подоцна,“ напиша Робертс на социјалните мрежи.
Кони стана многу популарна кога нејзината 63-годишна песна се појави на ТикТок и беше користена од речиси сите инфлуенсери.
Кони ја сними песната „Pretty Little Baby“ во 1962 година, а повеќе од 60 години подоцна, таа стана вирална на ТикТок.
