СНИМЕН Е МОМЕНТОТ КОГА ЛЕПА БРЕНА ЈА СКРШИ НОГАТА! Снимател преку спуштен лифт падна врз пејачката (ВИДЕО)
Балканската ѕвезда Лепа Брена е оперирана рано утринава, откако се здобила со страшна повреда на зглобот за време на концертот што го одржа синоќа во Арена Загреб.
Имено, по концертот кој го изведе додека беше повредена, Брена веднаш беше однесена на итна операција.
фото принтскрин
Во меѓувреме се огласија организаторите на концертот, а беа откриени и првите информации за состојбата на Брена.
Брена моментално е во болница, а се огласија и организаторите на нејзиниот концерт кои ги споделија деталите за несреќата. Во соопштението тие велат:
„За време на синоќешниот трет концерт на Лепа Брена во Арена Загреб, се случи несреќа поради која омилената регионална ѕвезда утрово го оперираше зглобот. Операцијата е успешно извршена и пејачката се чувствува добро. Несреќата се случила кога член на техничката екипа случајно паднал од бината во спуштен лифт и се здобил со полесни повреди, токму во моментот кога Лепа Брена го чекала своето појавување пред публиката и така се повредила.
фото принтскрин
И покрај болката, Лепа Брена уште еднаш покажа неверојатна професионалност и беспрекорно изведе концерт до крај, носена од еуфоријата на публиката и желбата да не ги разочара своите обожаватели Овој храбар чин е само уште еден доказ за нејзината големина и посветеност музика и љубов кон фановите“, се вели во соопштението на организаторите на концертот и додаваат:
„Со оглед на процесот на опоравување, а по препорака на лекарот, најавените концерти кои требаше да се одржат денеска на 10 декември и 16 декември во Арена Загреб се одложуваат. Во име на Лепа Брена, нејзиниот тим и организаторите ви благодариме за разбирањето и поддршката!“, се наведува во соопштението на Екстра ФМ.
@24sata Kamerman je išao unatrag i pao na nju, odradila je koncert do kraja #24sata #zagreb #hrvatska #lepabrena ♬ original sound – 24sata
Инаку, несреќата се случила кога член на екипата, поточно снимател, преку спуштен лифт паднал директно врз Лепа Брена, која била на платформата и чекала да излезе на бината.
