Метео анализа на Славчо Попоски.
Почнувајќи од 3 февруари (понеделник) па во текот на целата наредна седмица територијата на целиот Балкан, секако вклучувајќи ја и нашата Република Македонија, ќе биде зафатена од многу ладен бран кој ќе се спушти од североистокот и истокот на Европа.
Овој ладен бран ќе услови многу ниски температури на воздухот и длабок минус, кој во следните мои метео објави ќе ве информирам како би се движеле температурите и до колку во минус ќе одат истите. Но едно е сигурно, се работи за изразен ладен бран.
Што се однесува до снегот, засега нема најава за некој изразен и голем снежен бран на Балканот и во Македонија, иако со овој ладен бран ќе има појава на повремен локален снег, но не со голем интензитет.
Секако, промени околу ова и понатаму се можни, па затоа како што напоменав, понатаму следува нова и обновена метео анализа од моја страна токму околу ова.
До вечерва следува најново ажурирање на прогностичките модели, со што ќе следуваат најнови детални информации околу очекуваниот многу ладен бран кој ќе не зафати од 3 февруари (понеделник).
А од УХМР најавија дека утре и во сабота времето ќе биде стабилно и релативно топло, а претпладне по одделни котлини ќе има појава на магла. Во недела кон крајот на денот, во текот на ноќта и во понеделник претпладне се очекуваат повремени врнежи од дожд, а на повисоките планини од повремен слаб снег.
Услови за повремени локални врнежи претежно од снег ќе има и во вторник. Од понеделник ќе дува умерен до засилен северен ветер, а температирите ќе бидат во опаѓање.
