Се огласи братот на Лидија Трајковска: Ги молам од МВР, нека ги пуштат од ЕБР, кучиња трагачи да видиме некој траг да се најде
Петти ден се трага по исчезнатата Лидија Трајковска од скопско Јурумлери. Полицијата и семејството се во интензивна потрага по 43-годишната жена, која последен пат е видена на автобуска станица во нејзиното село во петокот утро.
Истрагата досега укажува дека Лидија можеби се упатила кон реката Вардар, бидејќи во близина на мостот во Долно Лисиче биле пронајдени нејзини лични предмети.
Полицијата ги пребарува сите можни локации, а во потрагата се користат и дронови.
Братот на Лидија, Александар вели дека по неговата сестра трагаат и дење и ноќе. Денеска во раните утрински часови ја барал неговата сестра околу Соборниот храм по претходни дојави дека била забележана во тој реон. Апелира до МВР да покрај дронови да се вклучат и кучиња трагачи но и нуркачи кои би ја барале Лидија во реката Вардар.
„Бараме помош од цела држава, од секаде. Сестрами веќе петти ден никаде ја нема – никаде. Значи бараме помош да се пуштат нуркачи во Вардар да видиме дали е таму. Значи најдовме кутија цигари од нејзе, нејзин упалјач. Што кажуваат таму џемпер – тој џемпер не е нејзин.
Само цигарите азната кутија цигари и нејзиниот упалјач, друго нема. Ние деноноќно ја бараме, не знаеме веќе каде да одиме. Еве сега ќе тргниме пак да ја бараме од Огњанци према Лисиче нагоре по Вардар. Ги молам од МВР, нека ги пуштат од ЕБР, кучиња трагачи да видиме некој траг да се најде.
Сабајлево накај 4 часот бевме накај Соборна, вчера цел ден бевме таму, завчера добивме дојава дека сестрами била видена околу 20 минути до 6 часот. Отидовме таму, секаде, 30 души ја баравме. Секое ќоше е проверено, секоја дупка, секој простор проверен – значи не најдовме ништо од нејзе.
Тие се прекрасна фамилија, 26 – 27 години се во брак, имаат 3 ќерки, 2 внучиња сега уште малку здравје боже уште едно внуче треба да добијат.“ – вели Александар Јоциќ, брат на исчезнатата Лидија Трајковска.
Од МВР информираат дека интензивно трагаат по исчезнатата Лидија и дека во потрагата искористен е дрон.
