ДППУ ВИВАКС е формирана во 1994 година и е во приватна сопственост на фамилијата Јосифовски. ВИВАКС се занимава со производство, дистрибуција и продажба на природни овошни сокови, нектари, овошни пијалоци, сирупи, ледени чаеви, газирани пијалоци и овошни каши, под препознатливиот бренд ВИВА повеќе од 25 години.
Од своите почетоци па до денес континуирано бележиме динамичен раст и развој кој се должи првенствено на долгогодишното искуство и познавање на индустријата, постојаното вложување во истражување на пазарот, врвниот квалитет на производите, висококвалификуваните вработени и менаџмент тимот, како и најсовремената опрема и производствени погони.
Како едни од водечките производители во регионот, во 2015 година ја отворивме новата модерна фабрика која што се протега на површина од 50.000 m², а од 2016 година сме горди производители и на природно овошно пире од јаболко, праска, кајсија, вишна, слива и домати со што дополнително ја зацврстивме позицијата како еден од најголемите производители на овошно пире во региониот.
Вивакс е македонска компанија која постои 30 години и брои повеќе од 120 вработени. Постојаното вложување во модернизација на производствените процеси, ја прават една од најуспешните компании на Балканот, во полето на производство на овошни сокови.
Секој напредок и достигнат успех на компанијата е резултат на успешното функционирање на целиот тим, желбата за заедничка работа и позитивната енергија.
Искористете ја можноста за кариера во Вивакс и аплицирајте за позицијата:
РАКУВАЧ СО МАШИНИ – ОПЕРАТОР
Одговорности и задачи:
Да ракува со машината на која е распределен согласно Упатствата за работа со машините;
Да се грижи за техничка исправност на машината согласно неговата стручност;
Потребни квалификации:
Минимум ССС – електро/машински техничар се смета за предност;
Најмалку 1 година работно искуство;
Од кандидатот очекуваме:
Способност за работа во тим;
Самоиницијативност, исполнителност и чесност;
Организираност и одговорност;
Способност за извршување на работни задачи, врзани со рокови.
Ви нудиме:
Mесечна плата во висина од 40.000 денари,(во зависност од предходното работно искуство на кандидатот на иста или слична позицијадодатоците на плата по основ на: минат труд, ноќен труд, бонус, оброк и други, согласно законските прописи);
Исплата на прекувремени часови;
Исплата на регрес за годишен одмор;
Напредување во работата;
Награди за работна успешност и посветено извршување на работните задачи;
Обезбеден оброк;
Работа во пријатна и позитивна атмосфера
Сите заинтересирани кандидати нека испратат свое CV со фотографија не постара од 6 (шест) месеци и мотивационо писмо на e-mail: vrabotuvanje@vivaks.com.mk со задолжителна назнака “РАКУВАЧ СО МАШИНИ – ОПЕРАТОР“.
Конкурсот е отворен 10 работни дена од неговото објавување (од 14.01.2025 до 27.01.2025 година).
Напомена:
Единствено апликациите кои ќе влезат во потесен круг, ќе бидат контактирани и повикани на интервју.
Апликациите без назнака за позицијата на која кандидатот аплицира, НЕМА да бидат разгледани!
