Вести

Потресно сведоштво на Борче кој се спаси од пожарот: Тргнавме полека да излегуваме надвор, но наеднаш настана стампедо и хаос

Advertisement

Борче Јованчевски е еден од преживеаните кои присуствувале на концертот на „ДНК“ во дискотеката „Пулс“ во Кочани.

Тој за платформата supportkocani.com раскажа што се случувало кобната ноќ.

Advertisement
принтскрин

„Пејачите рекоа ‘сите надвор, сите надвор, ќе се вратиме’. Тргнавме полека да излегуваме надвор, но наеднаш настана стампедо и хаос. Јас ја држев сопругата за рака, но од јаглеродниот моноксид се онесвестив. Бог ми даде некоја сила, не знам како да опишам, се разбудив и видов дека не ја држам веќе за рака.“, го почнува Јованчевски сведочењето.

„Пробав да излезам, но никако, бевме заглавени. Бог ми даде сила, се искачив, почнав да гребам и паднав долу пред скалите. Првото нешто што го направив, истурив вода на лицето и почнавме одма да ги извлекуваме луѓето. Многу од нив беа заглавени, сите пружаа рака, некој можеше да се извлече, а некој не“, раскажува.

Тој рече и дека до него бил Лазе од обезбедувањето, бил многу силен и можел да извлече повеќе луѓе, па ги подавале сите нанадвор. Дошол и дедо му, и со него заедно почнале да ги вадaт луѓето од дискотеката.

Advertisement

„Имаше запалено од едната страна бела даска која гореше, заедно ја кренавме даската и ја фрливме и дедо ми почна на левата страна да влече луѓе, а јас видов рака и некој кој ми го извикува името. Тоа беше мојата сопруга. За среќа беше жива…“, вели тој.

Борче Јованчевски бил еден од првите кој алармирал за пожарот во дискотеката во Кочани и објавил апел за помош на социјалните мрежи, помагајќи кочанчани да излезат и да спасуваат луѓе.

Во пожарот во „Пулс“ загинаа 59 лица, а околу 200 беа повредени и пренесени на болниците во државата и во странство. По пожарот загина и возачот на Брзата помош, Иле Гоцевски, кој цела вечер и утредента пренесувал повредени лица од Кочани до Скопје. Дошол дома заспал и повеќе не се разбудил.

Сите најнови вести поврзани со ѕвездите можете да ги следите на Гламур, убедливо најчитаниот портал за познатите во Македонија (види тука), како и на нашите страници на социјалните мрежи со вупно преку 1.000.000 фанови. Сите актуелни теми и случувања, најновите трачеви и најинтересните вести на едно место. Придружете се и на нашата официјална Фејсбук заедница ТУКА и бидете во тек со настаните, додека најинтересните текстови и интервјуа со познатите можете да ги следите и на Инстаграм ТУКА .
Advertisement

Поврзано

New Ad
Back to top button