Полицијата со нови детали: Марија била пронајдена со страшни повреди по забава во Дубаи

Украинската манекенка Марија Ковалчук ​​(20), која била пронајдена покрај пат во Дубаи со страшни повреди откако исчезнала по забава, според најновите полициски тврдења, всушност „паднала од височина“

Марија Ковалчук ​​била пријавена за исчезната осум дена откако им кажала на пријателите дека била поканета на забава во хотел на 9-ти март, објави Дејли Меил.

Истрагата покажала дека таа претрпела „сериозни повреди“ откако влегла на „оградено градилиште“ каде што паднала од голема височина, соопштија официјални лица. Таа моментално е хоспитализирана и добива медицинска помош. Нејзината состојба е критична и наводно не може да зборува. Нејзиното семејство е со неа.

Марија Ковалчук ​​исчезнала откако требало да присуствува на забава со „двајца мажи кои се претставија како претставници на модната индустрија“, според извештаите во неколку украински медиуми.

Таа ѝ рекла на мајка си Ана дека ќе остане со претставниците преку ноќ, но набргу потоа исчезнала. Ковалчук ​​имаше резервирано лет за Тајланд кој полетувал од Дубаи на 11 март, но таа не се појавила на аеродромот. Истрагата се уште е во тек. Полицијата за овој случај соработува со нејзиното семејство и надлежните органи.

Ана и загрижените пријатели контактирале со полицијата откако манекенката не стигнала на својот лет. Локалните власти започналњ потрага по Марија и отворилњ истрага. Марија Ковалчук, која потекнува од Лавов, град во западна Украина, била пронајдена фрлена покрај патот со скршени нозе и кичма, јавуваат руските медиуми.

Mystery over Ukrainian model found with horrific injuries in Dubai takes disturbing new twist as cops claim 20-year-old fell from a height' in building site https://t.co/sUd5UJ9HDz

— Daily Mail Online (@MailOnline) March 21, 2025

Веднаш била префрлена во болница, а како што вели нејзината мајка, била подложена на три операции за да и го спасат животот, а подоцна ѝ била извршена уште една операција.

„Обемната истрага откри дека Марија Ковалчук ​​се здобила со сериозни повреди откако сама влегла на оградено градилиште и паднала од височина“, соопшти полицијата.

Јавноста и медиумите се повикани да се воздржат од споделување непроверени информации и да ја почитуваат приватноста на поединецот и неговото семејство во овој тежок период. Пријателите и семејството се надеваат дека таа целосно ќе закрепне и ќе може да објасни што точно се случило.