Почивај во мир Мирче: Македонија загуби голем човек
На фејсбук страницата на КУД „Панче Пешев” осамна тажна вест.
Со длабока жалост и неизмерна тага ве известуваме дека почина Мирон Спасовски, долгогодишен член и шеф на оркестарот на КУД „Панче Пешев“.
Целиот свој живот го посвети на нашето друштво, оставајќи зад себе неизбришлива трага. Свиреше на повеќе инструменти, а со своето знаење и љубов кон музиката многу години го раководеше оркестарот. За нас беше повеќе од член – беше учител, водач и инспирација.
Тој ќе остане запаметен по својата преданост, несебичност и искрена љубов кон фолклорот. Неговата музика ќе продолжи да одекнува во нашите срца, а неговото дело ќе биде пример за сите идни генерации.
Нека му е вечна слава и нека му е светол патот. Почивај во мир, Чичо Мирче.
Посмртните останки ќе бидат изложени утре (02.09) во капелата на Градските гробишта од 11 часот, а погребот ќе се одржи во 13 часот.
