ПОЧИНА ПОЗНАТАТА ФОЛК ПЕЈАЧКА – колегите скршени од болка: Почивај во рајот, драга моја Кралице

Пејачката на народна музика Нена Васиќ почина по долга борба со болеста, а веста за нејзината смрт шокираше многумина. Нејзините роднини и пријатели се збогуваат со неа со емотивни пораки на социјалните мрежи.

Нена беше една од омилените на публиката која со своите емотивни песни погодуваше право во душата, а со нејзината музика будеше радост, но и по некоја солза.

Родена во Пожаревац, Нена последните години живееше во Виена. Нејзините песни, кои допреа до срцата на многумина, ги придружуваа најубавите моменти од животот, но и оние исполнети со тага.

Тажната вест ја потврди и нејзиното семејство, а нејзината пријателка и колешка Јасна Арнаутовиќ се прости од Нена, која на социјалните мрежи сподели трогателни зборови посветени на починатата пејачка.

– Почивај во рајот, драга моја Кралице – напиша пејачката и додаде:

– Како и секогаш, музичката програма на сите забави ја отворав со твоите песни… Ниту јас, ниту Ибро никогаш нема да те заборавиме. Драга моја Нена, не успеавме да пиеме кафе и да се видиме, па дури и да пееме, како што се слушнавме преку месинџер, не ни беше судено… Тешко ми е многу, многу ми е жал. .. Но сепак ќе се сретнеме кога ќе дојдам таму. Како и сите што ќе дојдат.