ПАДНА ДОГОВОР – Септемвриската плата на овие граѓани ќе се зголеми на 80.000 денари
Градоначалникот на Струмица, Костадин Костадинов им ги зголеми платите на пожарникарите и сега тие ќе земаат 80.000 денари.
Веста ја соопшти градоначалникот на социјалната мрежа ФБ. Неговиот статус ви го пренесуваме во целост.
„И официјално храброста доби достоинство!
Тоа е најмалку што можев да направам за нашите пожарникари, луѓето со невидена пожртвуваност и одговорност, чувари на нашите животи и материјални добра, на нашата Струмица.
Со заменик командирот на ТППЕ Струмица Александар Гудев, денеска го потпишавме Меморандумот за соработка и спроведување на систем за вреднување на работна успешност.
Ова значи плата од 80.000 денари плус додатоци која ќе важи од септември, а исплатена во октомври.
Среќен сум, а знам дека и нашите пожарникари се среќни затоа што ќе имаат највисоки плати меѓу своите колеги, со своите семејства ќе имаат достоинствен живот, ќе бидат уште повеќе мотивирани и попрофесионални во професијата со висок ризик по нивните животи.
Ве почитувам од срце и душа, ви се восхитувам на храброста, ја ценам вашата пожртвуваност и ја заслуживте мојата одлука за враќање на вашето достоинство и чест.
Од срце за нашите херои!
Од срце за нашата Струмица!“, напиша Костадинов на ФБ
