ОВОЈ ПРОИЗВОД ОД ЈУГОСЛАВИЈА БЕШЕ СВЕТСКИ ХИТ! Го споредуваа со „ламборџини“, а поради ЕДНА грешка загубија милиони!
Кога се појави на пазарот во 1978 година, телефонот Искра ЕТА 80 стана симбол на престиж и статус во југословенските домови и канцеларии.
Неговиот футуристички дизајн, кој некои го споредуваат со „Lamborghini Countach“, е создаден од словенечкиот дизајнер Даворин Савник. Сепак, иако неговиот производ го освои светот, тој од него не заработи ниту еден дeнар.
Савник дизајнираше телефон кој беше пред своето време – достапен во повеќе бои, со тркалезен бројчаник или тастатура, ETA 80 набрзо стана популарен не само во Југославија, туку и во Италија, Германија и другите развиени земји.
Но, грешката во процесот на патентирање доведе до тоа неговиот дизајн да биде нелегално копиран низ светот, во дури 300 милиони примероци.
Фото: Фејсбук принтскрин
Да се заштитат правата навреме, и Савник и словенечката компанија Искра можеле да направат огромно богатство. Наместо тоа, тие останаа без ниту еден дeнар, а другите профитираа. Сепак, неговото дело не е заборавено – ETA 80 денес зазема место во престижните музеи на модерната уметност во Њујорк и Минхен, како дел од историјата на индустрискиот дизајн.
Неговата приказна останува потсетник дека брилијантните идеи сами по себе не се доволни – без правна и деловна заштита, дури и најголемите пронајдоци можат да донесат слава, но не и финансиска корист на нивните креатори.
