Oвие граѓани до крајот на годината на своите сметки ќе добијат по 48.000 денари

Најголемиот дистрибутер на горива го исплати регресот за годишен одмор. Вработените во  Макпетрол, за користење на годишниот одбор добија по 48 илјади денари.

Во соопштение доставено до Македонската берза од компанијата инфоримираат декa имајќи ја предвид посветеноста и залагањето на вработените во извршувањето на работните обврски, а по повод летните одмори, „Макпетрол“ АД Скопје на своите вработени им исплати регрес за годишен одмор во нето износ од 48.000 денари по вработен.

„Грижата за вработените е значајна за долгорочниот успех на Друштвото и претставува дел од корпоративната политика на „Макпетрол“ АД Скопје“, велат од компанијата.

минатата година оваа компанија ја заврши со добивка од 17,2 милиони евра. Во нејзината распределба награди имаше за акционерите, но и за вработените. Оваа година, пак, по одработеното прво тримесечје, стартуваа со добивка од над два милиони евра.