Пејачката почина на 88-годишна возраст
Роберта Флек, американска пејачка и сопственичка на голем број хитови меѓу кои и најпознатата „Killing Me Softly With His Song“, почина на 88-годишна возраст.
– Потресени од веста дека прекрасната Роберта Флек почина утрово, на 24 февруари 2025 година – се вели во соопштението на нејзиниот портпарол.
– Почина мирно, опкружена со семејството. Роберта ги помести границите и собори рекорди. Таа беше и горда воспитувачка – се наведува во публикацијата.
Класично образованата пејачка и пијанистка направила голем пробив откако Клинт Иствуд ја вклучил нејзината верзија на песната „The First Time Ever I Saw Your Face“ во неговиот дебитантски филм „Play Misty for Me“ од 1971. Песната станала хит број еден во САД, а две години подоцна Флек го повторила овој успех со „Killing Me Softly“. За двете песни беше наградена со Греми за најдобра снимка.
Вкупно, Флек имаше шест топ-10 поп хита и десет аренби песни меѓу најдобрите десет, некои од нив снимени заедно со пејачот Дени Хатавеј.
Иако нејзините хитови секнаа на крајот на 1970-тите, Флек продолжи да снима албуми, од кои последниот излезе во 2012. Флек имаше 13 номинации за Греми, а последен пат беше наградена во 1995.
Флек се смета за еден од најголемите соул и R&B уметници на сите времиња.
Флек е родена во 1937 година во Блек Маунт, Северна Каролина, во музичко семејство.
