Одморот на Халкидики се претворил во кошмар: Почина 15-месечно бебе

Одморот на едно семејство од Србија на Халкидики се претвори во трагедија откако нивното 15-месечно бебе почина поради сомневање за задушување со храна, јавуваат грчките медиуми.

Според грчките медиуми, инцидентот се случил во вторник околу 18 часот, а бебето, по потекло од Србија, било во продавница со својот татко (31) и мајка (32) во областа Ормос Панагиас во Ситонија.

Веднаш била повикана брзата помош EKAB, која го подигнала момчето и го транспортирала прво во Здравствениот центар Агиос Николаос, а потоа во Општата болница на Халкидики. И покрај натчовечките напори на спасувачите и лекарите, момчето за жал починало истата ноќ.

Според првичните информации, нема знаци на криминална активност, но резултатите од обдукцијата ќе ја потврдат точната причина за смртта.

Прелиминарната истрага за овој случај ја спроведува Полициската управа во Полигирос.