НОВ ШОК ЗА ПРОДУКЦИЈАТА: Двајца членови од жирито на „Ѕвездите на Гранд“ го напуштаат шоуто

Со денови се шпекулира што ќе се случува со музичкото натпреварување „Ѕвездите на Гранд“ во новата сезона.

Бидејќи ТВ Пинк го најави продолжувањето на емитувањето на „Ѕвездите на Пинк“, јасно е дека „Ѕвездите на Гранд“ повеќе нема да се емитува на таа телевизија.

Сепак, тоа не е единствената новина. Според локалните медиуми, Марија Шерифовиќ го напушта овој проект, во кој со години беше постојан член на жирито.

Како што се наведува, таа треба да биде заменета со Сања Вучиќ, додека од друга страна, и Ана Бекута размислува за повлекување од жирито на популарното натпреварување.

Марија наводно му ја соопштила оваа одлука на Саша Поповиќ минатата година, бидејќи сака да се посвети што е можно повеќе на својот син и на својата кариера.

– Марија ја донесе таа одлука пред почетокот на оваа сезона. Се договори со Поповиќ да остане уште оваа сезона. Се замори од судење и одговорности. Сака да биде покрај својот син Марио, а снимањето ѝ одзема многу време. Сега таа одлука им ја соопшти на директорите кои го заменија Саша Поповиќ и предложи да биде заменета со Сања Вучиќ. Тие официјално сè уште никому не кажале, дури ни членовите на жирито не знаат што се случува. Марија чека да заврши финалето, а потоа ќе објави што одлучила – изјави извор за Свет, а за време на последното снимање, Шерифовиќ им рече на собраните медиуми:

– Нека заврши финалето, па ќе видиме што ќе се случи понатаму. Сега фокусот е на тоа – беше јасна.