НИ ДОАЃА ТЕЖОК ПРАЗНИК Девојките за мажење треба да го направат ова УТРЕ ВЕЧЕР
Утре го пречекуваме еден од најрадосните празници – Благовештение, денот кога Архангел Гаврил и објави на Богородица дека ќе го роди Исус Христос.
Празникот Свето Благовештение се вбројува во постојаните празници и секогаш е на 7 април според новиот, (или на 25 март според стариот) календар. Меѓу народот повеќе е познат како Благовец, Благоец, Блошчојне и сл.
Се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец, прв ден Велигден“. Тогаш се оди на именден кај оние што имаат име Благоја, Блаже, Благојка, Благица итн.
Свето Благовештение е празник на Пресвета Богородица, а со тоа е и денот на мајките, затоа што Богородица е заштитничка на сите мајки кои зачнале и станале мајки.
Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание. Мајките, пак, ги благословуваат децата и тие да имаат свои рожби и радости.
Така што првото нешто што треба да го направите тоа утро – бакнете ја мајка ви!
На овој ден се покажува особена сострадалност и помош кон сирачињата, кон бедните и кон унесреќените.
Не треба да се радувате до Велигден, но обичај е да се слави Благовештение со станување на полноќ или многу рано. Во мугрите се пее моминска песна, а сè завршува со заедничка веселба.
Девојките кои планираат да се венчаат утре вечер треба да подготват суви гранчиња и дрва, да направат оган, најчесто на раскрсница или на рид.
Обичајот налага дека на Благовештение, куќата и дворот мора да се исчистат и целото ѓубре да се исфрли или изгори.
Според народниот обичај, жените на овој празник не се чешлаат и на тој ден не е соодветно да се носат нови чевли. Добро е да се мие во река или поток, а Благовештението особено го слават жените кои сакаат да родат, одат во цркви и манастири каде се посветуваат икони на Благовештение и се молат на Богородица.
Се верува дека зимата завршува на Благовештение и старите велеле: „Ако дождот го намокри рогот на волот на Благовештение, ќе има добра жетва“.
