„НЕ УМРЕ ОД ТАА БОЛЕСТ, ОРГАНИТЕ МУ ОТКАЖАА“ Вики Миљковиќ проговори по смртта на нејзиниот брат и ја откри вистината
Вики Миљковиќ проговори по смртта на сопствениот брат Владица Миљковиќ.
Во јавноста се појави информација дека Владица починал од рак, а Вики демантираше.
– Не можам многу да зборувам, многу сум потресена. Брат ми боледуваше од мултиплекс склероза, оваа болест траеше некое време. Тој не умре од мултиплекс склероза. Некои органи откажаа и тоа се случи одеднаш. Тоа е се што можам да ви кажам – кратко изјавила Вики.
Владица Миљковиќ живееше во Ниш, се занимаваше со приватен бизнис и беше најголемиот поддржувач на пејачката.
Тој беше талентиран за музика, свиреше хармоника и сними неколку албуми.
Многумина му предвидуваа успешна кариера, а Вики постојано нагласуваше дека токму поради него се заљубила во музиката.
– Сите сили беа насочени кон музичкото образование на брат ми, тој одеше на разни натпревари, а сите го следевме како семејство. Денеска го разбирам татко ми, бидејќи не само што беше воспитувач, туку помина и многу во животот, па знаеше што повлекува оваа работа и сакаше да ме заштити – изјави Вики за Гранд.
