МОЌЕН БИЗНИСМЕН е несреќниот сопруг на љубовницата од концертот на Колдплеј ФОТО
Извршниот директор на „Астрономер“, Енди Бајрон, се огласи по скандалот во кој беше разоткриена неговата афера со шефицата на секторот за човечки ресурси, Кристин Кабот, во истата компанија.
Имено, Бајрон и Кабот беа „фатени“ во интимна прегратка на таканаречената камера за бакнување на концертот на Колдплеј и во моментот кога сфатија дека се прикажани на големото платно, се обидеа да ги скријат лицата.
По непријатниот чин, технолошкиот магнат се огласи со изјава во која упатува јавно извинување до својата жена и своето семејство, како и до членовите на компанијата „Астрономер“.
Дека Кристин Кабот, која е раководител на човечки ресурси во компанијата Астроном, каде што Бајрон е извршен директор, е во брак, се дознало преку документи за нејзиниот имот во Масачусетс.
Во тие документи од јануари оваа година се вели дека Кабот е во брак со Ендру Кабот, извршен директор на Privateer Rum, компанија за алкохол со седиште во Масачусетс.
Не е познато кога се омажила за Кабот, а нејзиното моминско презиме било Станек. Кристин Кабот, 52, и нејзиниот сопруг продале имот вреден 1,8 милиони долари во Масачусетс пред неколку месеци, а во документите за продажбата пишува дека е во брак.
На веб-страницата на „Приватер Рум“ е наведен Ендру Кабот како извршен директор и оперативен директор, а јавните записи покажуваат дека бил во брак најмалку двапати пред да се ожени со Кристин, во 1993 и 2014 година.
Со својата прва сопруга, Мод, тој има син и ќерка. Во април 2024 година, поранешната г-ѓа Кабот сподели слика од својот поранешен сопруг со Кристин на социјалните мрежи, на која тие изгледаа вљубени, и беа на забавата по повод 25-тиот роденден на неговиот наследник.
Кристин, исто така, позираше со својот син Хенри (30) таа вечер и носеше венчален прстен, кој го извади на концертот на „Колдплеј“.
Постојат и други документи каде што Кристин и Ендру Кабот се наведени како сопруг и сопруга, на пример, така се означени на документите за купување на имотот вреден 2,2 милиони долари што го купија пред пет месеци.
Во февруари, двојката продала друг имот, кој го ставиле на пазарот во април 2024 година. Во средината на скандалот со прељуба, Кристин го избришала својот профил на LinkedIn, каде што пишувало дека била член на советодавниот одбор на компанијата Privateer Rum од 2020 година.
