Месечно ќе добијат 320 евра повеќе на сметките: Овде живеат многу Македонци, а еве за кои се однесува мерката
Синдикатот на вработените во енергетскиот сектор (ver.di) започнa круг на колективно договарање, вторник, 25 март 2025 година за приватниот енергетски сектор во Источна Германија (AVEU) за околу 20.000 работници.
Тука спаѓаат компании како што се SachsenEnergie, TEAG, Leipziger Stadtwerke, Eins Energie in Sachsen, Städtischen Werke Magdeburg, Energieversorgung Halle, Stadtwerke Erfurt и многу други.
Најмалку 320 евра повеќе месечно
За работниците и практикантите, ver.di бара зголемување на платите за 7,5 отсто во период од 12 месеци. Работниците треба да добиваат најмалку 320 евра повеќе месечно.
– Одржливата енергетска индустрија ќе биде клучна за зајакнување на нашата економија во Германија. Сепак, веќе има недостиг од квалификувани работници во енергетските компании. Поатрактивни услови за работа и повисоки плати ќе ги мотивираат колегите и ќе помогнат да се привлечат нови работници – изјави Френк Франке, преговарач за ver.di.
Создавање поатрактивни услови за работа
Во оваа рунда колективни преговори треба да се преговара за уште две теми. Од една страна, потребни се дополнителни напори за создавање поатрактивни услови за работа.
На пример, колегите би сакале поголема контрола врз своето време. Исто така, треба да се создаде ексклузивна шема за бенефиции за членовите, како онаа што ја нудат другите енергетски компании.
– Само благодарение на нашите членови можеме да преговараме дури и за колективни договори – продолжи Франке, пишува Феникс.
