Марко заработува една плата за парче од ова чудо: Копа во шумата и брои парички, тоа му е работа (ВИДЕО)

Ловот на кристали е исклучително популарен во некои делови од светот

Марко Јурешиќ од Босна и Херцеговина има необично хоби кое успеа да го претвори во „профитабилен“ бизнис.

фото принтскрин

Ловот на кристали е исклучително популарен во некои делови од светот. Фасциниран од природната убавина и шансата да се најде редок минерал, привлекува многу ентузијасти.

Ентузијастите кои копаат кристали обично бараат посебни кои можат да се користат во накитот и да се продадат за да заработат пари. Меѓу нив е и Марко Јурешиќ од Бусовача од Босна и Херцеговина. Тој претпочита да ги бара во централниот дел на земјата, пишува N1 БиХ.

фото принтскрин

Јурешиќ објаснува дека ги барал кристалите околу седум години. Иако роднините првично го гледале „бледо“ кога му објаснувал што ќе прави, тој сепак не се откажал. „Се обидував година-две, но залудно копав. Не знаев каде точно да барам“, ги опиша тешките почетоци.

Но, ситуацијата се подобри со текот на времето. Наскоро најде многу камења, и успеа да продаде многу кристали. Најскапиот кристал го продал за 500 евра. Продава и други камења и заработува од 5 до 50 евра, додаде тој.

Освен кристали, Јурешиќ собира и боровинки и брусница. Како што вели, поради сето ова има доволно пари, но потрагата по кристали му донела и многу казни, бидејќи законот забранува копање во шума.

Марко исто така собира и вргањ печурки. Тој кога ќе најде добро место, без проблем собира по 20 килограми дневно. Кога тоа ќе се претвори во евра, дневницата е 150 евра, што е повеќе од добро за условите во БиХ.