Лоши вести за многу Македонци – нивниот омилен мобилен телефон драстично поскапува
Цената на iPhone-ите на Apple би можела да се зголеми за повеќе од 40 отсто откако претседателот Доналд Трамп објави реципрочни тарифи за американските трговски партнери, велат аналитичарите во четвртокот, бидејќи трговската политика на Трамп веројатно ќе ги зголеми цените за низа увозни производи, вклучувајќи нови автомобили, кафе, чоколада и други производи.
Аналитичарите на Rosenblatt Securities проценуваат дека Apple ќе мора да ги зголеми цените на повеќе производи за да надомести околу 39,5 милијарди долари дополнителни трошоци, со оглед на неговата зависност од производството во Кина.
Тоа може да значи 43 отсто зголемување на цените на iPhone и Apple Watch, 42 отсто зголемување на цените на iPad и 39 отсто зголемување на AirPods и Mac компјутерите.
Поевтиниот модел на iPhone од 599 долари од февруари ќе се зголеми на околу 856 долари, додека iPhone 16 Pro Max од 1.599 долари ќе скокне на околу 2.300 долари.
Повеќето „ајфон“ телефони се уште се произведуваат во Кина, на која САД синоќа и воведоа тарифи од 54 отсто, објави „Ројтерс“.
Акциите на производителот на телефони паднаа за повеќе од осум проценти по објавувањето на тарифите, најлош ден од септември 2020 година.
Агенцијата наведува дека „Епл“ сега има дилема дали да апсорбира дополнителни трошоци или да ги пренесе на клиентите.
Трамп наметна тарифи на широк опсег на кинески увоз во неговиот прв мандат како претседател за да ги притисне американските компании да го вратат производството или во САД или во блиските земји како Мексико, но потоа „Епл“ обезбеди исклучоци за неколку производи.
„Епл“ продава повеќе од 220 милиони Ајфони годишно, пред се на пазарите во САД, Кина и Европа, пренесува „Танјуг“.
