Лекарите мислеле дека има леукемија, а вистината ги шокирала – момче се разболело од намирница која сите деца ја сакаат
Оваа животна приказна е важно предупредување за сите родители – умереноста е клучна, дури и кога станува збор за хранливи намирници како што е млекото!
Малото момче се соочило со сериозни здравствени проблеми што ги натерало лекарите да помислат на најлошото – леукемија.
Сè започнало кога неговата педијатарка забележала дека Џони е екстремно блед. Веднаш побарала тестови, а иако на почетокот не ѝ открила на мајката, се посомневала дека момчето има сериозно заболување на крвта.
Откако резултатите пристигнале, откриено е дека не станува збор за леукемија, туку за тешка анемија предизвикана од недостаток на железо. Нивото на хемоглобин кај Џони било драстично ниско – меѓу 4,5 и 5,6, додека нормалниот опсег за деца на негова возраст е меѓу 10,9 и 15.
Недостатокот на железо бил толку сериозен што кај момчето се развил и шум на срцето, а виновникот за се ова било големата количина на конзумирање кравјо млеко, пренесува Бизнис инсајдер.
Џони започнал да пие кравјо млеко кога наполнил една година и одбивал да консумира друга храна. Мајка му, не знаејќи дека тоа може да предизвика проблеми, не обрнала внимание на фактот дека детето пие меѓу 900 и 1.200 милилитри млеко дневно, што е далеку над препорачаните 470 до 700 милилитри за неговата возраст.
Многумина не знаат дека калциумот од млекото го спречува телото да апсорбира железо. Така, и покрај тоа што телото создава железо, неговата апсорпција била блокирана, што довело до сериозна анемија.
Симптоми што многу родители ги игнорираат
Размислувајќи наназад, мајката сфатила дека Џони често бил раздразлив, уморен и имал чести изливи на бес. Се сомневала дека можеби е разгален или дека покажува знаци на нарушување во спектарот на аутизмот, бидејќи и неговиот постар брат бил дијагностициран со тоа.
Хематологот што го лекувал Џони потенцирал дека многу родители не се свесни за штетното влијание на прекумерната консумација на млеко. Анемијата може да предизвика главоболки, слабост, хроничен замор и општа малаксаност.
Враќање на насмевката
По само месец и половина од почетокот на терапијата, Џони целосно се опоравил. Неговиот шум на срцето исчезнал, а неговото расположение драстично се подобрило. Деновите повеќе не му започнуваат со солзи и нервоза – сега станува со насмевка, има енергија за игра, „комуницира“ со своите плишани играчки и конечно ужива во детството.
