Конечно убави вести! Парите се исплатени, овие граѓани да си ги проверат сметките
Министерството за земјоделство, шумарство и водостопанство денес објави дека се извршени исплати во вредност од 105.002.614,00 денари на сметка на 7.158 земјоделци.
Во нивното соопштение, од Министерството потенцираат дека континуираното сервисирање на субвенциите кон земјоделците претставува приоритет.
“Денеска се реализираше исплатата на подмерка 1,5 Дополнителни директни плаќања од подмерка 1,4 за остварено производство од домат, пиперка, краставица, корнишон, зелка, грав и компир на отворено и во пластеници од Програмата за финансиска поддршка во земјоделството за 2024 година”, се нагласува во официјалното соопштение.
Право на оваа подмерка имаат земјоделските стопанства кои одгледуваат површини засадени со домат, пиперка, краставица, корнишон, зелка, грав и компир и се корисници на подмерката 1,4 од Програмата за 2024 година. Услов е произведената земјоделска култура да е предадена на регистриран откупувач, да е употребена во сопствен преработувачки капацитет, за домашни потреби или продадена на пазар.
