КОНЕЧНО СЕ ОТКРИ ВИСТИНАТА: Марија се разбуди од кома и ги откри ужасите од кобната ноќ со шеиците
Украинската манекенка Марија Ковалчук (20) раскажа шокантна исповед за бруталното тепање што го доживеала во Дубаи, а ја претепале синовите на бизнисмен од Доњецк и руската „Златна младина“.
Како што тврди таа во интервју за украинските медиуми, откако конзумирала алкохол и дрога, група млади мажи ѝ забраниле да ја напушти хотелската соба каде што била организирана забава, а кога се обидела да избега, ја зграпчиле и сериозно ја повредиле.
Денес таа е на рехабилитација во Норвешка и привремено е „врзана“ за инвалидска количка.
„Прво беа љубезни, потоа се претворија во бандити“
Моделот за UNN изјави дека се сретнала со група млади мажи во Дубаи откако го пропуштила летот за Тајланд. Еден од нив ѝ понудил да ѝ „среди“ приватен лет со авионот на неговиот татко, а во меѓувреме ја поканиле во хотелска соба на забава.
Според неа, таму биле браќата Артем и Олег Папазови, синови на бизнисмен од Доњецк кој сега живее во ОАЕ, како и двајца млади мажи, Олександр Лаптински и Максим Крашениников. Максим ја напуштил собата пред инцидентот и, според моделот, тој не учествувал во насилството.
Во друштвото имало и две девојки, 19-годишната блогерка Олександра Меркалова и 16-годишната Милена Долганова.
Атмосферата на почетокот била пријателска, но сè се променило вториот ден.
„Почнаа агресивно да ме туркаат по рамената, велејќи ми „ти си наша, ќе правиме што сакаме“. Кршеа шишиња на подот, а потоа ми ги одзедоа личните работи и пасошот. Олександра дури и ми го зеде фустанот и си замина со него“, рече Марија.
Кога се обидела да повика помош од балконот, насилно била влечена назад во собата. Искористувајќи го моментот, успеала да избега, истрчала од хотелот и се скрила во напуштена зграда, но двајца членови на групата набрзо ја пронашле.
„Се сеќавам како седнав на подот, ги слушнав нивните гласови, а потоа како да се онесвестив. Веројатно ме удрија во главата. Следното нешто што го паметам е како запре автомобил и молев за помош“, се сеќава таа.
Завршила во болница и ја изгубила меморијата
Марија претпоставува дека била или брутално претепана или дури фрлена од висина, бидејќи повредите одговараат на една од тие две опции.
Таа вели дека немало сексуално насилство, што го потврдиле и лекарите.
