Дефицит од кадар во пекарската индустрија. Младите не се заинтересирани за работа во овој сектор и останаа само повозрасните, велат од пекарската фела.
Огласи за вработување постојано се објавуваат, но никој не се пријавува, за што сметаат дека треба да интервенира државата, зошто ќе се доведеме до ситуација да нема кој да прави леб.
фото пекселс
-Нема луѓе кои сакаат да станат пекари, ќе биде тешко во иднина, бидејќи знаеме дека младите одат во странство. Во догледно време не знам како ќе биде, треба овде државата да преземе нешто, да отвори школи за пекари, да доаѓаат на пракса, да го учат занаетот, да видат дека е потребен за општеството, изјави Николче Малинов, сопственик на пекара.
Просечната старост на вработените во пекарската индустрија е 57 години. Кога ќе одат во пензија, не ќе има кој да ги замени. Компаниите од оваа област и сега се соочуваат со проблеми поради недостиг на квалификуван кадар. Младите воопшто немаат интерес за пекарската струка, ниту се заинтересирани да бидат сопственици на пекарници, покажува најновата анализа на Стопанската комора.
Ситуацијата е алармантна, а дополнително ја комплицира тоа што дел од процесите во пекарската индустрија не може да се автоматизираат за да се компензира кадарот.
фото пекселс
-Во големата пекарска индустрија најмногу недостигаат месачи, обликувачи на тесто и пекари, а во малата и микро пекарска индустрија стопанствениците кубурат со пекари и бурекџии. Проблемот е сериозен и треба системски и институционално да се решава. Една од опциите е да се предвиди субвенционирање на работодавачите или работниците кои ќе ги одберат овие занимања во пекарската индустрија зашто идниот период може да дојде до блокада во работењето и до зголемување на цените на секојдневните пекарски производи и печива од рачна изработка, истакна Наташа Јаневска од Комората.
Скопската пекара Кисми веќе неколку месеци бара мајстори пекари и без искуство и нуди плата месечна плата од 75.000 денари
фото пекселс
Бурекџилница КИСМИ има потреба од мајстори-пекари во новоотворената пекара во населна Тафталиџе
Пекар/ка
во Тафталиџе
Потребни квалификации:
ССС
Со или без работно искуство
фото пекселс
Што нудиме:
Плата 75.000 денари
Рок за пријавување: 17.01.2025
фото пекселс
Сите заинтересирани за подетални информации може да добијат на следниот телефонски број:
070 810 779 – Лице за контакт Горан
