Синот на познатиот тапанар на групата „The Who“ Кени Џонс, ненадејно почина.
Имено, 76-годишниот тапанар, кој во 1978 година го замени Кит Мун во иконската група, со емотивна објава на социјалните мрежи се прости од својот син Џеси Џонс (47).
-Со скршено срце објавувам дека мојот син Џеси почина. Нема зборови за целосно да се искажам како се чувствувам во моментов. „Сакам да им се заблагодарам на сите за нивните убави зборови во ова неверојатно болно време и да побарам љубов, почит и приватност додека се обидуваме да ја надминеме оваа голема загуба како семејство“, напиша тој на Фејсбук.
Причината за смртта на Џеси Џонс не е објавена.
Џеси не е познат во светот како неговиот татко. За него се знае многу малку и не бил често присутен во јавноста, но е познато дека бил диџеј. Еден фан напиша под објавата на Кени:
– Светот стана мрачен без Џеси. Тој беше прекрасна душа и сакан од многумина. Сочувство до целото семејство и пријателите.
