Синоќа, 15-тина минути пред полноќ, на булеварот „Партизански одреди“ во близина на пекарницата „Силбо“, 22-годишната дизајнерка Фросина Кулакова од Неготино. Била прегазена од патничко возило од марката „Пежо“, а од природата на повредите, починала на лице место.
Ја удрил автомобил управуван од 20-годишно момче, а од здобиените повреди таа веднаш починала.
Траорната вест уште во раните утрински часови се прошири во родниот град на девојката.
Во шок и неверување, граѓаните прашуваат до кога ќе се гине на улиците во нашите градови и уште колку невини животи треба да згаснат, пред да бидат донесени драстични измени во Законот за сообраќај, и да се воведат ригорозни казни за прекршителите.
Пред само седум месеци ја воодушеви јавноста со нејзините модели на годишната ревија на Интернационалниот институт за мода „Изет Цури“ каде студираше. Нашите мисли се со нејзиното семејство, никој, никогаш да не доживее ваква болка, велат сограѓани на младата девојка.
Исто така, јавноста се сеќава на неа и кога пред 12 години, како десет-годишно девојченце се појави во видео записот за песната ,,Божиќ за секој од нас” заедно со нејзината сестра Росица и Димитар (кои во 2007 година на Детска Евровизија и го донесоа на Македонија 5-то место со песната ,,Динг, динг, донг”) и со други пејачи од Неготино, и ги освои симпатиите на гледачите.
