Од денеска започнува продажбата на државни комерцијални станови по цена од 1.000 евра за метар квадратан. Во следниот период вакви станови ќе се продаваат и во Скопје, Охрид и Штип.
Во Битола станува збор за 65 станови со паркинг место, а од државното акционерско друштво за изградба и стопанисување со станбен и деловен простор денеска ги објавија условите и деталите како да купите еден од овие станови. Становите ќе се продаваат по пат на усно позитивно јавно наддавање. Информирајте се за потребната пријава, изјавата, сите правила, како и за контактите.
Аплицирањето на огласот започнува од денеска и ќе трае до 3 март. На огласот можат да аплицираат домашни и странски правни и физички лица, а продажбата ќе се изврши по усно позитивно јавно наддавање.
Станува збор за 65 станови со паркинг места и 6 паркинг места со почетна цена од 1.000 евра квадрат без ДДВ. Становите се со површина од 38,25 до 72,75 квадратни метри.
Паркинг местото кое се продава заедно со станот е со фиксна цена, без ДДВ, и наддавањето се врши само за единечна цена на станот по м2 без ДДВ. Износ на ДДВ за станот и паркинг место кои се продаваат заедно е 5%.
Почетната цена за паркинг местата кои не се поврзани со становите е 500 евра квадратен метар без ДДВ. за овие паркинзи новите сопственици на излицитираната цена ќе платат ДДВ, во износ 18% и Данок на промет на недвижноста.
Зградата која е петкатница почна да се гради лани во ноември со рок на завршување 20 месеци. Зградата има површина од 3.900 квадратни метри.
Повеќе инфо за аплицирање на огласот имате тука
