Актерот Благој Веселинов со емотивна објава: Вие “големите” пливате во крв, помешана со корупција и насилство

Фејсбук статусот на актерот Благој Веселинов ви го пренесуваме во целост.

Политичка ароганција…давајјј!!!

Почна да се релативизира и да се општи. Сервилни и полтронски, партиски црпки почнаа да покажуваат со прст кој каква боја е, во обид да докажат дека не се далтонисти.

– Ве имало и ке ве има што се може?!!

Во Кочани умреа нашите најмили, а со тоа умре и нашата потреба да бидеме поголеми “МАКЕДОНЦИ” од вас. Не загинаа 60 просперитетни деца, туку 60 ×1000 × 10.000(фамилии, роднини, пријатели, чесни и емотивно интелеѓентни луѓе). Зато што вие “големите” пливате во крв, помешана со корупција и насилство. Во тој базен не влегува човек кој во раце ја држи сликата од својот убиен син, затоа што ја гледа содржината на ѓубрето во кое уживате во неверување и страв.

Кочани е за вас затворен град. Кочани е самоукинт. Кочани се отцепи од оваа “држава” и светот и остана сам и тажен, посебен по ова огромно зло кое политиката и политичарите веќе 30години го сервираат. На влезот од Кочани ќе го поставиме првиот знак во светот на кој ке ви посакаме дека “НЕ СТЕ ДОБРЕДОЈДЕНИ” и таа порака е искрена и треба да се сфати СЕРИОЗНО!