Весна Петрушевска потресно за Панчо – го обвинивме, а беше невин
Работеше многу, многу, многу… сам ги договараше свирките, сам пишуваше, сам одеше по студија...
Познатата актерка Весна Петрушевска, една од бројните блиски пријатели на Панчо, на својот Инстаграм-профил со емотивна видеообјава се прости од својот колега и драг пријател, кој по седум месеци борба подлегна на повредите.
Весна, видно потресена во видеото, сподели трогателни зборови во негова чест:
„Отиде и Панчо… го обвинивме, а беше невин. Сам си ја сакаше својата работа. Трчаше, како сите нас, за парче леб во оваа наша земја. Работеше многу, многу, многу… сам ги договараше свирките, сам пишуваше, сам одеше по студија, сам имаше сетови диџеј, беше многу вреден.“
Таа понатаму додава дека Панчо бил скромен и нежен човек, дека многу сакал да чита и дека многу ќе ѝ недостигаат разговорите со него.
Весна е една од бројните познати личности кои со солзи во очите и болка во градите денес на социјалните мрежи се простуваат од познатиот и сакан музичар.
Потсетуваме дека се огласи и сопругата на Панчо, Маја, со многу потресна порака.
„Не се договоривме вака, душо моја, љубов моја, живот мој. Ме скрши на милион парчиња“, напиша таа на социјалните мрежи.
