Срцепарателни сцени на погребот на Халид Бешлиќ – му ја исполниле големата желба за крај
Легендарниот пејач почива до неговиот голем пријател и колега, тоа му била последна желба која е исполнета.
На градските гробишта во Сараево денеска беше погребан еден од најомилените пејачи на народна музика на просторите на поранешна Југославија, Халид Бешлиќ.
Граѓаните го носеа ковчегот со телото на Халид Бешлиќ на раце кон местото за погреб, додека во позадина се слушаше акапела на неговата хит-песна „Романија“.
Неговото заминување остави длабока тага кај милиони луѓе, а според првичните проценки, околу 100.000 луѓе дошле да му оддадат последна почит.
Сцените беа потсетник на длабоката љубов и почит што Халид ја уживаше кај својот народ. Неговиот син, Дино, заедно со верските службеници, го спушти телото на татко му во гробот, додека цело Сараево плачеше.
Емоциите достигнаа врв кога неговиот внук неутешно заплака покрај ковчегот, а Дино, и самиот скршен од болка, го тешеше и нежно го бакнуваше.
За жал, сопругата на Халид, Сејда, не можела да присуствува на комеморацијата поради изненадно влошување на здравствената состојба во време на ноќта.
Халид беше погребан според сите исламски обичаи, покрај својот долгогодишен пријател и музички колега, Кемал Монтено, со кого го делеше музичкиот пат и животните моменти. А то му била и желбата на Халид.
На гробот е поставен и микрофон, предмет кој ја одбележа неговата кариера и живот, како и бела роза знак на чистина и почит.
