МВР со детали за големата тепачка кај Дукат, уапсени шест лица
Вчера полициски службеници од СВР Скопје ги лишија од слобода С.С.(23), М.З.(24), А.Ѓ.(42), И.М.(33), М.З.(55) и Б.Р.(29), сите од Скопје, постапувајќи по пријава дека околу 20:00 часот пред угостителски објект на ул.„Митрополит Теодосиј Гологанов“ во Скопје бил нарушен јавниот ред и мир помеѓу лишените од слобода и неколку други лица од една страна и А.М.(40), Т.Д. (41) и М.Е. (45) од друга страна.
Сите тие претходно биле во угостителскиот објект.
Се преземаат мерки за расчистување на случајот, по што ќе бидат поднесени соодветни поднесоци.
Вчера во центарот на Скопје се случила масовна тепачка пред ресторанот „Дукат“. Според првичните информации, на местото на инцидентот интервенирале повеќе полициски патроли поради нарушување на јавниот ред и мир.
