Капитенот стана татко, а Македонија го доби најслаткиот навивач – ќе биде ли Аја на мама или на тато?
Фудбалскиот репрезентативец и капитен на македонската репрезентација, Енис Барди, ја доби најубавата животна титула – стана татко!
Пред пристигнувањето во таборот на националниот тим, неговата сопруга Фестина на свет ја донесе нивната ќерка, која го доби прекрасното име Аја. Радосната вест самиот Барди ја сподели на својот официјален Инстаграм профил, каде објави фотографија и искрено ја сподели својата среќа со сите.
Честитки за овој значаен момент стигнаа и од неговиот клуб, турскиот Коњаспор, кој преку социјалните мрежи му посака многу љубов и среќа во новата животна улога. Со оваа преубава животна вест, Барди пристигна на подготовките со македонската репрезентација со насмевка и нова енергија. Како капитен и лидер, тој го одработи и тренингот со полн ентузијазам, а неговото татковство без сомнение ќе му биде силен мотив плус за натпреварот против Белгија кој се игра во петок.
Навивачите веруваат дека токму оваа нова животна радост ќе го инспирира Барди за блескава игра во црвено-жолтиот дрес. Честитки до семејството Барди – и добредојде на свет, мала Аја!
View this post on Instagram
Advertisement
