Ламбе си сподели дека е разочаран – „Конечно на некој му текна и на мене!“ (Видео)

Македонскиот пејач Ламбе Алабаковски по цели десет години повторно ќе настапи во Скопје и тоа на 10 октомври во „Паблик рум“.

Тој сега се огласи со порака која веднаш предизвика бурни реакции.

„И конечно, после 10 години во Скопје, на некој му текна да го викне Ламбе Алабаковски да ги испее најголемите мои хитови, и општо хитови кои останале во историјата запишани. А верувам дека има и такви кои ќе останат“.

 

View this post on Instagram

 

Advertisement

A post shared by Public Room (@public.room)

Ова е големо враќање на сцената за пејачот кој последните години живее во Битола заедно со сопругата и синовите, откако во 2021 се врати од Америка.

Да потсетиме, пред две години Алабаковски ја претстави својата верзија на легендарната „Дејгиди луди млади години“ на Александар Сариевски – песна што, како што самиот откри, ја чувал во фиока цели 12 години.

„Ми требаше време и јас да созреам, но и самата песна да дојде во вистински момент“, вели Ламбе, додавајќи дека сега е подготвен повторно да ја подигне публиката на нозе.