„28 години без тебе, мајчичке…“ – Игор Џамбазов со трогателна порака за својата најголема загуба (Фото)
Македонскиот актер, писател и шоумен Игор Џамбазов уште еднаш ја потсети јавноста дека спомените и љубовта кон неговите родители никогаш не бледнеат.
На денешен ден се навршуваат 28 години од смртта на неговата мајка, легендарната актерка Анче Џамбазова.
По тој повод, Игор на социјалните мрежи сподели стара црно-бела фотографија, придружена со неколку зборови кои носат силна емоција: „28 години без тебе, мајчичке…“.
Тој ја дополни објавата со стихови од песната „Кога те нема“ на словенечката пејачка Хелена Благне:
„Те нема, а секаде те има, неизбежно те има, во себе си те носам“.
AdvertisementView this post on Instagram
Анче Џамбазова почина на 30 септември 1997 година во Скопје, на само 55 години. Таа беше ќерка на големиот Петре Прличко и, по неговите стапки, стана едно од препознатливите лица на македонската сцена.
Публиката најмногу ја памети по улогите во филмот „Мирно лето“ и во серијата „Македонски народни приказни“.
Од бракот со композиторот Александар Џамбазов, Анче доби две деца – актерот и пејач Игор Џамбазов и архитектката Татјана Џамбазова.
