Овој македонски град пишува нова бебешка рекордна година – 11 нови малечки за само еден ден и безброј насмевки
Во еден ден, во Кавадарци се родија 11 новороденчиња, соопшти д-р Гордана Ѓорчева-Камчева од Градската амбуланта и Општа болница Кавадарци. Фотографијата на која болничкиот персонал држи бебиња во рацете, ја израдува јавноста и предизвика насмевки кај граѓаните.
-Најубавата оаза на радоста во ЈЗУ Општа Болница Кавадарци, одделот за гинекологија и акушерство. Таму, каде што животот почнува, не пречекаа 11прекрасни мајки и 11најслатки бебиња – симбол на нови почетоци, надеж и љубов. Секоја мајка носи храброст и сила, а секое бебе светлина и иднина. Животот е најубав кога се споделува радост, а денес ја почувствувавме во најчистата форма, пишува на својот Фејсбук профил Камчева.
ЈЗУ Општа болница со проширена дејност Кавадарци во последниот период бележи континуиран напредок. Минатата недела, по 35 години, беше комплетно реновирана операционата сала на гинеколошко-акушерското одделение.
Исто така, на 7 септември болницата соопшти дека е родено 150-то бебе во 2025 година, што претставува значителен успех за здравствените услуги во овој регион.
