Поопасен е од загуба на сакани и од развод – секаде е околу нас, а го скратува животот повеќе од сè друго
Важно е да ги препознаеме овие симптоми и да побараме помош за да ја заштитиме физичката и менталната благосостојба.
Во свет каде секојдневно се соочуваме со предизвици, финансискиот стрес станува невидлив непријател кој влијае на нашето здравје повеќе отколку што мислиме.
Новите истражувања, вклучувајќи ја и обемната студија на Универзитетскиот колеџ во Лондон, покажуваат дека финансискиот притисок може да има сериозни последици врз здравјето, дури и поголеми од емоционални трауми како развод или загуба на сакано лице.
Advertisement
Според истражување објавено во списанието „Brain, Behavior and Immunity“, лицата кои се соочуваат со стресни животни ситуации, вклучително и финансиски стрес, имаат негативни промени во биолошките маркери во крвта, како што се хормонот кортизол и C-реактивниот протеин. Овие промени го зголемуваат ризикот од развој на серија болести, вклучувајќи срцеви заболувања и психички пореметувања.
Студијата покажала дека луѓето кои минуваат низ финансиски стрес имаат дури 61% поголема веројатност да бидат изложени на здравствени ризици.
Слични резултати доаѓаат и од САД. Истражувања на Националниот институт за здравје покажуваат дека финансискиот стрес е тесно поврзан со зголемено ниво на психолошки стрес кај возрасните. Овој стрес е особено изразен кај невработените, лицата со пониско образование и луѓето со помалку приходи, додека бракот, постојаната работа и поседувањето дом ги намалуваат негативната влијание на финансискиот стрес врз менталното здравје.
Во Австралија, ново истражување покажало дека речиси половина од возрасните со долгови имаат проблеми со отплата, при што 64% ја наведуваат секојдневната потрошувачка како главен фактор. Ваквиот финансиски стрес има негативни последици врз менталното и физичкото здравје, а само 20% од луѓето бараат помош поради финансиски тешкотии.
Сите овие податоци укажуваат на сериозен проблем кој бара внимание, истакнуваат лекарите. Финансискиот стрес не влијае само на нашиот паричник, туку и на нашето здравје. Важно е да ги препознаеме овие симптоми и да побараме помош за да ја заштитиме физичката и менталната благосостојба.
Со други зборови, грижата околу сметките, долговите и финансиската несигурност може да биде еднакво опасна за вашето здравје како и најтешките животни трагедии.
Затоа е важно, колку и да е тоа тешко, да најдеме начини како да управуваме со стресот и со финансиите. Бидејќи парите можеби не носат среќа, но на долг рок можат да одредат колку ќе бидеме здрави и колку долго ќе живееме.
