Ќе се изненадите колкава плата има Мицкоски – трипати поголема од примањата на просечниот Македонец
Во април 2025 година, во однос на април 2024 година, просечната месечна исплатена нето-плата по вработен е повисока за 10.6 отсто.
Владата ги објави платите на претседателот на Владата и министрите.
Податоците се објавени во делот „отчетност“ на владиниот сајт, каде што се истакнува дека висината на платата на министрите е јавен податок, како и дека ова е дел од заложбите на Владата за поголема дигитална транспарентност.
Највисока нето плата зема претседателот на Владата Христијан Мицкоски, односно 140.450 денари. Сите останати министри земаат плата во износ од 115.540 денари.
Исклучок е само министерот за внатрешни работи Панче Тошковски кој зема дополнителни 24.865 денари, односно вкупно 140.405 денари. Од Владата посочуваат дека на министерот за внатрешни работи му се утврдува зголемување за 20% на платата утврдена за извршување на функцијата согласно решението бр.16-1561/2 од 12.06.2017 година.
Просечната месечна исплатена нето-плата по вработен, во април 2025 година, изнесува 45 452 денари.
Во април 2025 година, во однос на април 2024 година, просечната месечна исплатена нето-плата по вработен е повисока за 10.6 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 14.7 %, Образование за 14.4 % и Административни и помошни услужни дејности за 13.0 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Информации и комуникации за 4.2 %, Административни и помошни услужни дејности за 3.9 % и Дејности на здравствена и социјална заштита за 3.8 %.
