Мерење на ѕвезден статус во студиото на Пинк: Карлеуша ја понижи Вики – Ти не си ѕвезда!
Првите епизоди од музичкото натпреварување „Пинкови ѕвезди“ веќе се снимени, а наскоро ќе бидат и емитувани на телевизија „Пинк“.
Сепак, вниманието на јавноста го привлече жирито, кое изгледа дека реши уште од самиот почеток да крене прашина, па веднаш започнаа со потбоцнувања и кавги.
Пејачките Јелена Карлеуша и Вики Миљковиќ имаа судир уште во првата емисија, а сето тоа се случило поради еден кандидат.
– Ние овде бираме ѕвезда, а не продавачки на квадрати – остро порачала Јелена Карлеуша за време на изборот на кандидатите, алудирајќи на професијата на една кандидатка, па Вики не останала должна:
– Извини, те молам … А зошто да не може човек да биде ѕвезда и да продава недвижности?
– А зошто ти, Вики, не си ѕвезда? – иронично возврати Јелена Карлеуша, што беше искра што ја разгоре расправата.
– Јас за тебе сум ѕвезда пар екселанс! Кога би имала толку хитови колку што имам јас … ѝ возвратила Вики Миљковиќ.
Во расправата се вмешал и раперот Десингерица, што дополнително ја подгреал целата ситуација.
Како завршила кавгата, останува да видиме оваа сабота, 20 септември, кога во 21 часот ќе се емитува првата епизода на телевизија „Пинк“.
