Кога температурите се високи, нема ништо подобро од лесна и ароматична закуска, полна со бои и мириси што ѝ даваат живот на секоја трпеза. Од селската маса со топол леб и свежо сирење, до модерна чинија со салата, месо на скара или печени зеленчуци – овој летен ајвар е совршен придружник.
Ви претставуваме еден едноставен „селски рецепт“ кој се подготвува за неколку минути, а може да стои во фрижидер со денови, подготвен за секоја прилика.
Состојки:
4–5 зрели домати
1 свежа црвена пиперка (поголема)
1/2 кромид (црвен или бел)
1 врзоп свеж магдонос
6–7 листови босилек
1 чешне лук (кој си сака посилен вкус може и 2 чешниња лук)
3-4 лажици маслиново масло (најдобро ако е маслиново масло)
1 лажичка балсамико оцет или сок од лимон
сол и свежо мелен црн пипер
Подготовка:
Подготовка на зеленчукот – Измијте ги доматите и пиперката. Доматите исечкајте ги на ситни коцки, пиперката на тенки ленти, а кромидот на ситно.
Ароматичен микс – Во длабок сад измешајте ги сите состојки. Додајте ситно исечкан лук, магдонос и босилек. Поминете ги заедно низ блендер набрзина, не треба да се освршено изблендирани.
Зачинете – Полејте со маслиново масло, оцет или лимон, сол и пипер. Добро промешајте.
Покријте и оставете во фрижидер најмалку 30 минути за да се спојат аромите.
Како да се послужи?
Овој летен селски ајвар е совршена со:
топол селски леб или брускети,
со макарони/шпагети,
месо на скара или печена риба,
печени зеленчуци и млад компир
а секако неодоливо се „бакнува“ со вкусот на младото сирење.
Домаќински совет од село: ако сакате појак вкус, додадете и неколку маслинки, а старите велат – една лута пиперка ситно сечкана ќе го направи уште попикантно ова летно ајварче!
Чување:
Во добро затворена стаклена тегла, лесниот летен ајвар може да стои во фрижидер до 3-4 дена.
Направете го денес и почестете ги најблиските!
