Мазно лице, барем десет години помлада – а да си ги сменеа местата двете бројки?
Сузана Спасовска го прослави својот 61 роденден. Позирајќи покрај чоколадната торта, која и на фотографија изгледа превкусно, а врз неа свеќички со бројот 61, фолк-ѕвездата со ангелски глас, испрати порака до своите следбеници на социјалната мрежа Фејсбук – на која што е и активна.
„Си велам, а да си ги сменеа местата овие две бројки?
16 наместо 61, хахахаааа… Ама, не, сепак вака си е најдобро (единицата малку изгоре па заличи и на седмица, но има време до 7) а, тортата ќе ја пробам на 28.08., ммммм…
Драги пријатели, секоја роденденска и именденска честитка, ми беше како светлина, што го разубави мојот ден. Се чувствувам благословена што толку многу луѓе со топли зборови, ми го израдуваа срцето и ми ја покажаа љубовта околу мене. Ви благодарам!“.
Се разбира, тортата ќе ја проба на големиот христијански празник Успение на Пресвета Богородица, зашто познато е, Сузана редовно си пости а во тек се Богородичните пости.
Мора да се согласиме дека Сузана изгледа прекрасно, младешки, без видливи борички на лицето, иако „формално“ е баба на Клара, од ќерката Теона.
