ЛАДЕН ТУШ ЗА MAKEДОНЦИТЕ ВО ГЕРМАНИЈА: Тие што живеат под кирија плаќаат повеќе, а причината ги изненади сите
На германскиот пазар на станови, странците во просек плаќаат повеќе кирија од германските граѓани.
Во 2022 година платиле 7,75 евра кирија за метар квадратен, што е за 9,5 отсто повеќе отколку што плаќаат Германците, објави Сојузниот завод за статистика. Дел од разликата може да се објасни со тоа што германските станари живеат во просечно поголеми станови, кои се издаваат по поповолни цени за метар квадратен.
Според резултатите од пописот од 2022 година, на кои упатува институтот, странците почесто издаваат станови од германското население, но помалку ги користат старите договори за изнајмување, пишува Дпа.
Дури и кога станува збор за станари кои живеат во стан повеќе од 20 години, тие сепак плаќаат 9,1 отсто повеќе од Германците.
Разликата е седум отсто за период на закуп помеѓу 10 и 15 години, додека се намалува на 3,5 отсто за договори помали од една година.
Статистичарите ја нагласуваат и поврзаноста на разликата во киријата и големината на местото на живеење.
Во средните градови со 50.000 до 100.000 жители разликата била најмала, 6,6 отсто, додека странците во малите општини со под 10.000 жители требало да платат 10,6 отсто повеќе, пишува б92.
