Управителот Александар Карадакоски бил шанкер, вистински газда е Дејан Јованов – Деко

Веќе претходно беше објавено декa Александар Карадакоски е сопственикот на фирмата „ММММ кафе доел Кочани“ која раководела со дискотеката „Пулс“ која се запали.

Во јавноста првично имаше информации дека е во бегство, потоа дека е уапсен, а вистината на крај е дека тој е хоспитализиран.

Тој е еден од четирите пациенти кој е пренесен во Литванија

Управителот Александар Карадакоски кој сега е на лекување во Литванија всушност бил шанкер, а вистински газда на дискотеката „Пулс“ бил Дејан Јованов – Деко, објави емисијата КОД во своето најново издание.

– Оваа дилема лебдeше во јавноста затоа што таканареченото кабаре Пулс има еден сопственик на хартија, а друг во реалноста. Александар Карадаковски е всушност шанкер во диското кој е повреден и сега е на лекување во Литванија. Тој е сопственик на фирмата ММММ Кафе на која е издадена спорната лиценца за кабарето ПУЛС, а во реалноста е Дејан Јованов – Деки кој се јавуваше во сопственоста на фирмата Класик се до нејзиниот стечај 2023, објави КОД.

Деновиве беше објавено дека Карадакоски е еден од десетиците повредени пациенти кои се пренесени во странство. Тој е еден од четирите пациенти кој е пренесен во Литванија.